Муниципалитет Илимий-популярдуу журнал

2 (148) 13 Февраль 2024

ISBN 1694-7053
Массалык маалымат каражаттарын
каттоо жөнүндө күбөлүктүн каттоо номери 1785.

dpi

Муниципалитет - бул аймактын, ал жерде жашаган калктын жана жергиликтүү өз алдынча башкаруу органынын үчилтиги

Бюджет жана бюджет аралык мамилелер тууралуу

2019-03-06 / Мыйзам жаӊылыктары

“Кыргыз Республикасынын 2019-жылга республикалык бюджети жана 2020-2021-жылдарга болжолу жөнүндө” Кыргыз Республикасынын Мыйзамыкабыл алынды (2018-жылдын 26-декабрындагы №112 мыйзам).

Мыйзам Кыргыз Республикасынын Бюджеттик кодексине ылайык иштелип чыкты жана Кыргыз Республикасынын Жогорку Кеңешинин 2018-жылдын 26-апрелиндеги № 2397-VI токтому менен бекитилген 2019-жылга Кыргыз Республикасынын Бюджеттик резолюциясынын жана 2020-2021-жылдарга божомолунун негизги артыкчылыктарын жана багыттарын аныктайт. Мыйзам менен Кыргыз Республикасынын 2019-жылга республикалык бюджетинен жергиликтүү бюджеттер үчүн теңдөө гранттарынын өлчөмдөрү чыгашалардын 2000300,0 миң сом жалпы суммасында бекитилди. Ошондой эле Кыргыз Республикасынын 2020-2021-жылдарга республикалык бюджетинен теңдөө гранттарынын өлчөмдөрүнүн болжолу жактырылды. Жергиликтүү өз алдынча башкаруу органдары жер салыгы боюнча базалык ставкаларды же коэффициенттерди жогорулатуунун эсебинен жергиликтүү бюджеттердин кирешелерин көбөйтүү боюнча чечим кабыл алган учурда 2019-2021-жылдарга теңдөөчү гранттардын көлөмүн өзгөртүү бөлүгүндө Мыйзамда чектөөлөр каралды. Ошондой эле Мыйзам менен жергиликтүү өз алдынча башкаруу органдарына өз кирешелерин (жер салыгы, мүлк салыгы, жерлерди жана мүлктү ижарага берүүдөн түшкөн кирешелер) көбөйтүүгө дем берүү үчүн республикалык бюджеттен 100,0 млн. сом каралган. Бул каражаттарды бөлүштүрүү тартибин КР Өкмөтү аныкташы керек. Мындан тышкары Мыйзамда 2019-2021-жылдарга жалпы мамлекеттик кирешелерден чегерүүлөрдүн нормативдерин белгилөө бөлүгүндө таблицада берилгендей төмөнкүдөй жаңы жактары каралган.

2019-2021-жылдарга жалпы мамлекеттик кирешелерден чегерүүлөрдүн нормативдери