Турар БЕКБОЛОТОВ, USAIDдин “Ийгиликтүү аймак 2” долбоору, байланыш боюнча адис Сүрөттүн автору: Ахмад АЛАМИ, Rana Labs

Баа түзүүнүн бирдиктүү мамлекеттик саясатын жүргүзүүнү камсыз кылуу максатында 2023-жылдын 11-апрелиндеги №87 “Баа түзүү жөнүндө” Кыргыз Республикасынын Мыйзамына кол коюлду. Аталган Мыйзам Кыргыз Республикасында баа түзүүнүн мамлекеттик саясатынын укуктук негиздерин белгилеп, бааны жөнгө салуунун ыкмаларын, ошондой эле аны киргизүүнүн жана колдонуунун негиздери менен жол-жоболорун аныктады. Мыйзамга ылайык, мамлекет анын ичинде мамлекеттик жана муниципалдык кызмат көрсөтүүлөр жөнүндө Кыргыз Республикасынын мыйзамдарында белгиленген тартипте мамлекеттик жана муниципалдык кызмат көрсөтүүлөргө; ошондой эле Кыргыз Республикасынын азык-түлүк рынокторунда социалдык маанилүү товарларды сатуу үчүн соода орундарын берүү боюнча кызмат көрсөтүүлөргө; жалпы пайдалануудагы автомобиль транспортунда жүргүнчүлөрдү ташуу кызмат көрсөтүүлөрүнө; катуу тиричилик калдыктарын чогултуу, ташып чыгаруу жана жок кылуу боюнча кызмат көрсөтүүлөргө бааларды жана тарифтерди жөнгө салат.

Мыйзамдын 11-беренесинде ошондой эле жергиликтүү өз алдынча башкаруу органдары бааларды мамлекеттик жөнгө салууну Кыргыз Республикасынын жергиликтүү мамлекеттик администрация жана жергиликтүү өз алдынча башкаруу органдары жөнүндө мыйзамдарында жана автомобиль транспорту жөнүндө мыйзамдарда белгиленген ыйгарым укуктарга ылайык жүзөгө ашыраары белгиленген.