Биздин өлкөдөгү “дүжүр активисттер” тууралуу ким гана билбейт? Баары эле билет чыгар. Бул түрдүү чогулуштарга, жыйындарга, жолугушуулар- га келтире алууга мүмкүн болгон адамдар. Алар катышкан коомдук иш-чараларга уюштуруучулар бир кыйла ресурстарды сарпташат: убакыт, убакыт жана дагы бир жолу убакыт. Ошондой эле чакы- руу барактарына, залды жарык, жылуулук менен камсыздоого ж.б. кеткен каражаттар. Андан да маанилүүсү – ушундай иш-чаралардын максаты. Адатта мындай иш-чаралар калкка маанилүү бир нерсе тууралуу маалымат берүү, кеңеш суроо, кай- сы бир аракетке же аракетсиздикке колдоо алуу, башкача айтканда диалог куруу үчүн өткөрүлөт. Эки тараптуу кыймыл боло тургандай диалог. Би- рок эгерде тараптардын бири бул кыймылга кызык- дар болбосо, анда аны өткөрүүнүн кажети барбы? Алтынга тете убакытты жана башка ресурстарды, болгондо да бул ресурстар жетишпей турган чак- та аларды бутафорияга коротуу канчалык зарыл? Бирок өнүгүү жана реформалар багыттап туруш керек, болбосо кырдаал көзөмөлдөн чыгып кетет. Калк менен бийликтин ортосундагы өз ара мамиле- лердин жана аракеттердин кыймылын “дүжүр акти- висттерден” баш тартуудан башташ керек. Коомдук иш-чараларга туура чакырыш керек: алдын ала иш- чара өтчү күндү, жерди жана темасын жарыялоо- дон баштоо зарыл!