Окуу процесси маалында катышуучулар “Мамлекеттик сатып алуулар жөнүндө” Мыйзам, мамсатып алуулар процессинин жол-жоболору, са- тып алынып жаткан товарлардын сапатына карата талаптар, техникалык өзгөчөлүктөрдү иштеп чыгуу, алардын максаттары жана тапшырмалары менен таанышып чыгышты.“Окуулар КР Финансы министрлигинин Окуу борбору менен түзүлгөн эки тараптуу Кызматташтык жөнүндө Меморандумдун алкагында уюштурулду, - деп айтып берди Долбоордун гранттар боюнча адиси Султан МАЙРАМБЕКОВ. – Катышуучулардын алдына маанилүү тапшырма коюлду – беш күндүн ичинде алар үчүн жаңы болгон чоң көлөмдөгү маалыматты өздөштүрүш керек болчу. Окуу программасына ылайык, катышуучулар мыйзам чыгаруу чөйрөсүндө мамсатып алууларды өткөрүү жол-жоболоруна коюлган талаптарды үйрөнүп, алган билимдерин практика жүзүндө колдонгонду үйрөнүш керек болчу. Мисал катары катышуучуларга реалдуу сандар жана кырдаалдар сунушталды. Ошондой эле катышуучулар электрондук мамсатып алуулар порталы менен иштегенди, конкурстук документтерди жана мамсатып алуулар планын түзгөндү үйрөнүп, бул чөйрөдөгү нааразылыктарды жана даттанууларды карап чыгуу механизмдери менен таанышып чыгышты. ЭҮЖӨБОЖ Долбоору өз кезегинде гранттык добоорлорду ишке ашырууда муниципалитеттерге көмөктөшүп, укуктук маселелерге техникалык экспертиза жүргүзүү маселелери боюнча кеп-кеңештерин берүүнү уланта бермекчи. Ошондой эле Долбоор мониторингди уюштурууга жардам берет”.