Уландысы. Макаланын башын 2025-жылы чыккан №5 (май) жана №6 (июнь) сандарынан табасыз. Максим СЕМЕНЯК, Өнүктүрүү саясат институтунун эксперти

Аймактарды өнүктүрүүнү пландоонун жана божомолдоонунжаңы ыкмалары Кыргыз Республикасынын айрым рйаондорундагы кырдаалды өзгөртүүгө кандай таасир тийгизе аларын түшүнүү үчүн Өнүктүрүү саясат институтунун эксперттери СЭӨПны иштеп чыгууда жаңы методикалардын пилоттук райондордун абалына жана социалдык-экономикалык өнүгүүсүнүн келечегине аналитикалык баалоону жана таасирин болжолдоону төмөнкү параметрлер боюнча даярдап чыгышты: 1) районго экономикалык адистештирүү аркылуу жергиликтүү экономикага дем берүү; 2) социалдык инфраструктурага жана кызмат көрсөтүүлөргө, өзгөчө артта калып жаткан жана райондук мамлекеттик администрациялардын жана муниципалитеттердин көңүл буруусун талап кылган тармактарда жеткиликтүүлүктү жакшыртуу; 3) өнүктүрүү саясатын пландоодо дайындарды пайдалануу аркылуу секторлордун өз ара байланыштарын кыйла сапаттуу пландоо жана эсепке алуу.

Серепте пландоонун жаңы методикасы соңку жыйынтыктардын деңгээлинде Кыргыз Республикасынын 7 облусундагы 7 райондун экономикалык адистештирүү же социалдык инфраструктура тармактарынын өнүгүүсүнө кандай таасир эткенинин же эте аларынын мисалдары камтылган, алар 2025-жылдан 2027-жылга чейинки болжолдонгон мезгилдин ичинде мындай таасирди талдоо үчүн тандалып алынган.

Талдоонун жүрүшүндө жүзөгө ашырылган болжолдоолор жана эсептөөлөр төмөнкүдөй тыянактарды чыгарууга шарт түздү: EGED Программасынын колдоосу менен иштелип чыккан социалдык-экономикалык өнүгүүнү пландоонун жаңы методикасын киргизүү менен божомолдордун тактыгын жана райондордун деңгээлинде пландардын ырааттуулугун бир кыйла жогорулатууга мүмкүн болду. Бул санда Жети-Өгүз жана Ноокат райондорунун мисалдары келтирилет (буга чейинки сандардан Базар-Коргон, Кемин, Кадамжай жана Айтматов райондорунун мисалдарын табасыз).