Социалдык тапшырык жөнүндө мыйзам долбоору иштелип чыкканы тууралуу маалымат Орусиянын аймактарында жайылгандан тарта анын ар кандай аймактык варианттары да пайда боло баштады. Бул мыйзамды кабыл алган ОФ биринчи субъекти – Тюмень облусу. 1998-жылдагы “Тюмень облусунда социалдык тапшырык жөнүндө” Мыйзам башка региондорду мамлекеттик эмес уюмдардын социалдык чөйрөдө кызмат көрсөтүүлөрүн ишке ашыруу процессин жөнгө салуусуна көмөктөшкөн укуктук нормаларды түзүүгө түрттү.Анткен менен түрдүү региондордо регионалдык жана муниципалдык деңгээлдерде социалдык тапшырык жөнүндө мыйзам долбоорлорунун жана жоболордун бара-бара пайда болгонуна жана аталган укуктук нормаларды мамлекеттик жана муниципалдык структуралардын иш практикасына киргизүүгө карабастан орус өкмөтү федералдык мыйзам долбооруна төрт жолу терс тыянагын чыгарган. 2000-жылдын башында долбоорду Мамлекеттик Дума биринчи окууда карап чыгып, четке каккан.Ошону менен бирге федералдык мыйзам чыга электигине карабастан жана “социалдык тапшырык” технологиясы айрым бузуулар менен болсо да чындап колдонулган мисалды сунуштайлы.1997-1999-жылдары Орусияда Парламентаризмди өнүктүрүү фонду федералдык министрликтердин биринин тапшырыгы боюнча “Жергиликтүү өз алдынча башкаруунун жана муниципалдык башкаруунун негиздери” курсу боюнча орто окуу жайлар үчүн билим берүү Программасын даярдап чыгып, көрсөтүлгөн программага ылайык окуу китептерин жана окуу-усулдук окуу куралын жазып, жарыялаган. Окуу программасын даярдоону, ошондой эле окуу китептерин жана окуу пособияларын жазуу жана жарыялоо 1995-жылдын декабрында кабыл алынган Жергиликтүү өз алдынча башкарууну колдоо боюнча федералдык программанын эсебинен каржыланган. Социалдык тапшырык жөнүндө федералдык мыйзам жок болгон маалда федералдык министрлик менен Парламентаризмди өнүктүрүү фондунун ортосунда түзүлгөн мамилелер “социалдык тапшырык” деген формалдуу аталышка ээ болгон эмес. Бирок иш жүзүндө аталган тапшырык социалдык эле.Өткөн жылдары Орусиянын аймагында иш алып барган көптөгөн бейөкмөт уюмдардын аракеттеринин арты менен социалдык тапшырыкты аткарууда мамлекеттик (муниципалдык) структуралардын өз ара аракеттешүүсүн жөнгө салган укуктук нормаларды олуттуу жайылтуу мүмкүн болду.Белгилей кетчү жагдай, айрым шаарларда муниципалдык грант тууралуу жобо кабыл алынууда (мисалы, Владимирде). Ошентсе да бул маңызы боюнча түрдүү терминдердин чаташып кеткенинен улам болгон жок. Бул социалдык тапшырыкты жайылтуу – узак,муниципалдык структураларды даярдоо жана КЭУнун кесипкөйлүгүнүн тийиштүү өсүшү үчүн убакытты талап кылган процесс. 1998-жылдан тарта дал ушул жол менен Пермь шаарынын бийлиги кадам шилтеди. Андан кийин жалпысынан Пермь облусу кошулду. Шаардык жана аймактык деңгээлдеги социалдык тапшырык жөнүндө ченемдик укуктук акттар адегенде гранттык жол-жоболор аркылуу ишке ашырылган. Ошентип кадам-кадам шилтеп отуруп, бир катар багыттарды табуу мүмкүн болду. Анда эки-үч жылдан кийин бир топ даярдалган жана грант тууралуу келишимге караганда дагы да катаал документ – мамлекеттик контракт режиминде иштөөгө жөндөмдүү кесипкөй бейөкмөт уюмдар пайда болду. Ошондон кийин алардын иштеп жаткан муниципалдык структуралар менен бюджеттик каражаттар үчүн атаандаштыгы тууралуу сөздөр мүмкүн болуп калды.

Маӊызы Социалдык тапшырык үчүн, ошондой эле жарандык коом институттарынын жана коомдук-бийликчил органдардын өз ара аракеттешүүсүнүн башка формалардын идеологиялык негизи болуп практикада субсидиардуулук принцибин ишке ашыруу болуп эсептелет. ОФ Конституциясынын 7-беренесинде “Орусия – социалдык мамлекет”деп аныкталганынан улам белгилүү бир деңгээлде социалдык тапшырыкты жайылтуу жарандык коом институттарын түзүүгө жана өнүктүрүүгө карата бийликтин кызыгуусун бекемдөө дегенди билдирет деп ишенимдүү айтса болот. Ушунун эсебинен гана коомдун катышуусу менен демократияны куруу мүмкүн болот.

Социалдык тапшырыктын негизинде жарандык демилгелерди жүзөгө ашырууга курулган натыйжалуу социалдык саясатты түзүү идеясы да жатат.Социалдык технологияларда камтылган “социалдык тапшырык” адепки механизмдерин ишке ашыруу төмөнкү принциптерди катаал сактаганда гана мүмкүн болот: программалык-максаттуу мамиле;сынак өткөрүү; айкындуулук; келишимдин негизинде өнөктөштүк.Мазмуну жана максат коюу көз карашынан алып караганда социалдык тапшырык максаттуу социалдык программаларды ишке ашыруу аркылуу сынактын негизинде түрдүү деңгээлдердеги социалдык маселелерди чечүү жолдорунун бири болуп эсептелет.Социалдык саясатты жүзөгө ашырууга мамлекеттик монополиянын кемтиги сметалык каржылоого басым жасоо менен биргеликте социалдык чөйрөдө мамлекеттин аракеттеринин анда жүрүп жаткан процесстерден жана түзүлүп жаткан терс тенденциялардан артта калуусуна алып келет. Программалык-максаттуу, проблемалык-фокустук каржылоо режимине өтүү байыртадан бери келаткан ведомстволук байланыштын жоктугун жеңүүдөн тышкары, терең ойлонуштурулган жана келечеги туура мамлекеттик социалдык стратегияны курууга жана ишке ашырууга да жол берет. Мындай стратегия муктаж деп саналгандардын баарын тейлөөгө эмес, максаттуу топторду аларда өзүн камсыздоого карата жөндөмдүүлүктү өнүктүрүү үчүн объективдүү жана субъективдүү шарттарды түзүүгө түртөт. Негизинен муктаж деп таанылса боло турган жарандардын тизмесин каалагандай узун кылып койсо болот.Анткен менен адамдарды муктаж болуп калууга түрткөн себептерди чечмелеп көрүү маанилүү.Демилге көтөрүп чыгууну жана өз алдынча чечим кабыл алууну каалабаган адамдар бар. Бирок алар берилген садагага жашабастан, аткаруучулук же техникалык иштерди аткарып көр тириликке акча табууну туура көрүшөт.