“Жер казынасы жөнүндө” Кыргыз Республикасынын Мыйзамы жаңы редакцияда кабыл алынды. Мыйзам мамлекеттин жеке жана юридикалык жактар, ошондой эле башка мамлекеттер менен жер казынасын пайдалануудан келип чыккан мамилелерин жөнгө салат.

• ушул Мыйзамда жана Кыргыз Республикасынын Жер кодексинде белгиленген учурларда, лицензияда аныкталган мөөнөттөргө жер бөлүндүсүн жана жер бөлүгүн убактылуу пайдалануу укугун беришет;
• Кыргыз Республикасынын мыйзамдарында белгиленген чектерде санитардык коргоо зоналары түзүүнү милдеттүү түрдө эсепке алуу менен суу алгыч курулмалар үчүн жер бөлүп берет;
• лицензиялык аянтка лицензиаттарды тоскоолдуксуз киргизүүнү камсыз кылат;
• пайдалуу кендерди өз алдынча казып алууну токтотот;
• жер казынасын геологиялык изилдөөдө же кендерди иштетүүдө пайдаланылган тоо-кен жана башка мүлктү жоюуну жана консервациялоону, ошондой эле жер бөлүктөрүн жана лицензиялык объекттерди рекультивациялоону контролдойт;
• административдик-аймактык бирдиктин чегинде жайгашкан лицензиялык объекттерге конкурстарды жана аукциондорду өткөрүү боюнча комиссиялардын ишине катышат;
• жер казынасын пайдалануу долбоорлорунун коомдук экологиялык экспертизасын уюштурат;
• жер казынасын пайдалануучулардын ишкердигине мыйзамсыз кийлигишүүсүн токтотуу максатында жергиликтүү калк арасында иш жүргүзөт;
• жалпы мамлекеттик маанидеги жер казынасынын объекти жайгашкан административдик-аймактык бирдиктин чегинде жашаган
  жергиликтүү калк үчүн социалдык пакетке жеткиликтүүлүктү жана аларды ишке ашыруу брюнча жылдык отчетту камсыз кылат.
  Социалдык пакеттер жана аларды ишке ашыруу боюнча жылдык отчеттор аларга кол коюлган жана/же алынган күндөн тартып
  жергиликтүү өз алдынча башкаруу органдарынын жана жергиликтүү мамлекеттик администрациянын имараттарында сакталат;
• алтын издөө ишмердиги боюнча жеке ишкерлердин реестрин жүргүзөт жана мамлекеттик каттоого алат;
• жер казынасын пайдалануу чөйрөсүндө ушул Мыйзамга жана Кыргыз Республикасынын мыйзамдарына ылайык башка ыйгарым укуктарды ишке ашырат

“Жарандык коргонуу жөнүндө” Кыргыз Республикасынын Мыйзамы жаңы редакцияда кабыл алынды. Бул Мыйзам тынчтык жана согуш мезгилиндеги өзгөчө кырдаалдарда Кыргыз Республикасынын калкын жана аймагын Жарандык коргоо жагынан уюштуруучулук-укуктук нормаларын аныктайт. 

 

Бул Мыйзам КР Конституциясына ылайык келтирүү, жарандык коргонуу чөйрөсүндө КР мыйзамдарын өркүндөтүү, карама-каршылыктарды четтетүү, ошондой эле Кыргыз Республикасынын мыйзамдарындагы кемчиликтерди толуктоо максатында иштелип чыкты. Мыйзамга ылайык, жергиликтүү өз алдынча башкаруу органдары:

• жарандык коргонуу боюнча комиссияларды түзөт жана алардын ишин координациялайт;
• жарандык коргонууну уюштуруу жана жүргүзүү боюнча жооптуу кызматкерлерди дайындайт;
• жарандык коргонуу жаатында Кыргыз Республикасынын мыйзамдарына ылайык өз компетенциясынын чегинде чечим кабыл алышат
• жарандык коргоо планын иштеп чыгышат жана ишке ашырышат, аларды жарандык коргоо жаатында ыйгарым укуктуу мамлекеттик органдар менен макулдашат;
• өзгөчө кырдаалдарды прогноздоо жана алдын алуу боюнча өздөрүнө баш ийүүдөгү ведомстволук аймакта иш-чараларды өткөрөт;
• турак үйлөрдү, административдик жана өндүрүштүк имараттарды жана курулмаларды курууга жер участкаларын бөлүү жөнүндө чечимди ыйгарым укуктуу мамлекеттик орган менен макулдашат;
• жарандык коргонууну жүргүзүү үчүн зарыл болчу күчтөрдү жана каражаттарды даярдоону жана даярдыкта кармап турууну ишке ашырат;
• калкты ыйгарым укуктуу мамлекеттик орган тарабынан бекитилген программалар боюнча өзгөчө кырдаалдарда коргонуу жана иш-аракеттерин жүргүзүү ыкмаларына үйрөтүүнү уюштурат
• өзгөчө кырдаалдарда эвакуациялык ишчараларды өткөрүү жөнүндө чечим кабыл алат жана алардын өткөрүлүшүн уюштурат;
• өзгөчө кырдаалдардын чыгуу коркунучу же чыккандыгы жөнүндө калкка өз убагында кабар берүүнү камсыз кылат;
• жарандык коргоо жаатындагы ыйгарым укуктуу мамлекеттик орган менен биргеликте өзгөчө кырдаалдардын чыгуу коркунучу же чыккандыгы жөнүндө калкка өз убагында кабар берүүнү камсыз кылат
• ведомстволук объекттерде жана аймактарда пайда болгон өзгөчө кырдаалдарды алдын алуу жана жоюу боюнча чараларды көрөт;
• жергиликтүү бюджетте караштырат жана жарандык коргонуу боюнча иш-чараларды өткөрүүгө финансы каражаттарын бөлөт;
• Кыргыз Республикасынын мыйзамдарына ылайык, өз ыйгарым укуктарынын чегинде жарандык коргонуу жаатында ыйгарым
  укуктуу мамлекеттик органдын жазма буйруктарынын жана көрсөтмөлөрүнүн аткарылышын камсыздайт.

Жергиликтүү бюджеттерде каражаттардын жетишсиздигинен улам жаралган азыркы абалды эсепке алуу менен, жергиликтүү өз алдынча башкаруу органдарынын финансылык өз алдынчалуулугу үчүн шарттарды түзүү максатында кирешелердин айрым түрлөрүн жергиликтүү бюджеттерге түшкөн кирешелерге кошуу жаатында Мыйзам менен Кыргыз Республикасынын Бюджеттик кодексине өзгөртүүлөр киргизилди. Алар: аңчылык жаныбарларын атайын пайдалангандык үчүн администрациялык айыптар жана акы, ошондой эле КР мыйзамдары менен аныкталган башка салыктык эмес төлөмдөр.