Кыргыз Республикасынын 9 муниципалитетиндеги мектеп жашына чейинки балдар, жаштар жана жалпысынан жергиликтүү калк үчүн шарттарды жакшыртууга 550 миң сом бөлүнөт. Бул тууралуу “Айылдык ден соолук комитеттеринин жана жергиликтүү өз алдынча башкаруунун өнөктөштүгү: жергиликтүү демилге” конкурсунун жыйынтыгын чыгарган Конкурстук комиссия билдирди. Аталган конкурс 2016-жылдын 1-апрелинен 10-майына чейинки мезгил аралыгында өлкө аймагында өткөн. “Баары болуп конкурска 21 муниципалитеттен 22 өтүнмө түштү, - деп айтып берди “Айылдык ден соолук комитеттеринин үнү жана Кыргыз Республикасындагы элет жамааттарынын ден соолук детерминанттары боюнча жергиликтүү өз алдынча башкаруу органдарынын социалдык жоопкерчилиги” Долбоорунун менеджери Айнура ЖУНУШАЛИЕВА.

• 1-орун – “Бала бакча жана мектеп үчүн эмерек сатып алуу” (513 балл), Ош облусунун Ноокат районундагы Н.Исанов АА, 150 000 сомго байге тапшырылды.
• 2-орун – “Жаштар сейил багын жана ФАПты тосмолоо” (510 балл), Талас облусунун Манас районундагы Кыргызстан АА, 100 000 сомго байге тапшырылды.
• 3-орун – “Таза суу менен камсыздоо үчүн суутүтүк трубасын сатып алуу” (505 балл), Жалал-Абад облусунун Сузак районундагы Ленин АА, 70 000 сомго байге тапшырылды.
• 3-орун – “Жаштар үчүн маалымат борборун түзүү” (505 балл), Баткен облусунун Кадамжай районундагы Бирлик АА, 70 000 сомго байге тапшырылды.
• Буга кошумча байгелүү орундарды конкурстун төмөнкү катышуучулары алды: 4-орун – “Калктын турмуш шартын жакшыртуу” (479 балл), Ысык-Көл облусунун Түп районундагы Арал АА, 30 000 сом байге тапшырылды.
• 4-орун – “Калк үчүн маалымат борборун уюштуруу” (478 балл), Ысык-Көл облусунун Тоң районундагы Улахол АА, 30 000 сом байге тапшырылды. 4-орун – “Исакеев айлындагы клубга жабдууларды алуу менен айылдагы жергиликтүү калктын маалыматтуулугун жогорулатуу” (475 балл), Нарын облусунун Кочкор районундагы Кочкор АА, 30 000 сом байге тапшырылды.
• 5-орун – “Балдардын жана жаштардын бош убактысы” (473 балл), Чүй облусунун Чүй районундагы Онбир-Жылга АА, 20 000 сом байге тапшырылды.
• 5-орун – “Тазалык – ден соолуктун кепили” (473 балл), Чүй облусунун Москва районундагы Александровка АА, 20 000 сом байге тапшырылды.