Муниципалитет - бул аймактын, ал жерде жашаган калктын жана жергиликтүү өз алдынча башкаруу органынын үчилтиги

Жаштар үчүн маалымат борборун түзүү

2016-12-12 / АДК ЖАНА ЖӨБ ӨНӨКТӨШТҮГҮ

Бирлик айыл аймагы, Кадамжай району, Баткен облусу – үчүнчү орун үчүн 70 000 сом көлөмүндө байге.

“АДК үнү” Долбоорунун алкагында ЖӨБ органдары менен АДК биргелешип, элеттиктердин ден соолугуна тиешелүү болгон көйгөйлөрдү аныктоо боюнча ЖМБА-иш-чараларын өткөрүштү. Ошон-дой эле 2016-жылга бюджет тууралуу маалыматты жайылтуу боюнча өнөктүктү уюштурушту. Калк да АДК менен ЖӨБО өткөргөн иш-чараларга жигердүү катышып, кызыгуусун билдирди. ЖӨБ органдары жана АДК Биргелешкен аракеттер планын иштеп чыгып, ага ЖМБА алкагында аныкталган маселелер да кошулду. Мисалы, БАПка таштандыларды жок кылуу үчүн атайын полигонду уюштуруу боюнча маселе кирди. Айыл өкмөтү бул маселени ушул жылы эле чечүүгө убада берип жатат.

Аймакта орун алган дагы бир көйгөй жаштардын маңзат жана алкоголдук ичимдиктерди колдонуусуна байланыштуу болуп жатат. Ошондой эле ВИЧ-СПИД өңдүү ар кандай жугуштуу жана вирустук оорулар тууралуу маалымдоо иштери өтө эле төмөн деңгээлде. Байге үчүн алган каражатка АДК жана ЖӨБ органдары компьютердик техниканы сатып алып, интернетке кошулуп, жаштар менен иш алып барууну пландоодо. Б.а.,алар жаштар арасында компьютердик сабаттуулукту жана маалымдуулукту жакшыртуу максатын көздөп жатышат. Бенефициарлар: тикелей – 400 киши, аны ичинде 110 аял, кыйыр – 650 адам. Бирлик айылдык аймагынын жаштары үчүн Маалымат борборун уюштуруу үчүн “АДК үнү” Долбоору байгенин алкагында кеңсе техникасын сатып алып, айыл өкмөтүнүн балансына өткөрүп берди.