ЖӨБ органдарынын суроолоруна ЖӨБ Союзунун юристтери жооп беришти.

Кызмат көрсөтүү (ичүүчү суу менен камсыз кылуу, катуу тиричилик калдыктарын чыгаруу) боюнча муниципалдык ишкананы түзүү үчүн кандай документтер талап кылынат?

КР Граждандык кодекси (КР Граждандык кодексинин 87, 227 жана 230-беренелери) ЖӨБ органдарына муниципалдык ишкана формасындагы коммерциялык уюм болуп саналган юридикалык жакты түзүүгө уруксат берет.

“Жергиликтүү мамлекеттик администрация жана жергиликтүү өз алдынча башкаруу органдары жөнүндө” КР Мыйзамынын 65-беренесинде “жергиликтүү өз алдынча башкаруу органдары жергиликтүү маанидеги маселелерди натыйжалуу жана ыкчам чечүү, ошондой эле өз аймагынын чектеринде экономикалык өнүгүүнү стимулдаштыруу максатында муниципалдык ишканаларды жана коммерциялык эмес уюмдарды түзүүгө, ошондой эле акционердик коомдорго катышууга укуктуу” деп белгиленген.

Ушул эле беренеде муниципалдык ишканалар жана коммерциялык эмес уюмдар жергиликтүү өз алдынча башкаруу органдарынын милдети болуп саналган кызматтарды көрсөтүү үчүн жергиликтүү өз алдынча башкаруу органдары тарабынан түзүлө турганы көрсөтүлгөн.

Муниципалдык ишкананы түзүүдө ЖӨБдүн аткаруу органы төмөнкүлөрдү даярдап, жергиликтүү кеңештин кароосуна жана бекитүүсүнө берүүгө милдеттүү:

• муниципалдык менчикти натыйжалуу пайдалануу үчүн ЖӨБ органдарына жүктөлгөн тиешелүү кызматтарды көрсөтүүнү уюштуруу максатында муниципалдык ишкананы түзүүнүн негиздемесин;
• жергиликтүү маанидеги бир жана (же) бир нече маселелер боюнча муниципалдык ишкана түзүү жөнүндө сунушту;
• муниципалдык ишкананын уставынын жана башка уюштуруу документтеринин долбоорлорун;
• муниципалдык ишкананын сметасынын/бюджетинин/мүлкүнүн долбоорун;
• жергиликтүү бюджетке өзгөртүүлөрдү киргизүү жөнүндө долбоорду.

Жергиликтүү кеңеш муниципалдык ишкананы түзүү жөнүндө чечим кабыл алгандан кийин аткаруу органы муниципалдык ишкананы мамлекеттик каттоодон өткөрүү үчүн КР Юстиция министрлигинин аймактык бөлүмдөрүнө кайрылып, төмөнкү зарыл документтерди берет:

• КР Өкмөтү бекиткен жана КР Юстиция министрлигинин сайтында (http://minjust.gov.kg/ru/section/view/id/13) берилген форма боюнча каттоо арызын;
• муниципалдык ишкананы түзүү (же түзүүгө макулдук берүү) жөнүндө жергиликтүү кеңештин токтомун;