Муниципалитет - бул аймактын, ал жерде жашаган калктын жана жергиликтүү өз алдынча башкаруу органынын үчилтиги
- Биринчи бет /
- Макалалар /
- ЖӨБ Коалициясынын жаңылыктары
КР ЖӨБ Союзу, Өнүктүрүү саясат институту жана БАЖБА ЖӨБдү өнүктүрүү боюнча Коалиция түзүштү
Коалициянын түзүлүшү КР ЖӨБ Союзунун, Өнүктүрүү саясат институтунун жана Борбордук Азиянын Жергиликтүү башкаруу Академиясынын ортосунда жылдар бою түптөлүп келген тыгыз өнөктөштүк мамилелердин логикалык жана эволюциялык өнүгүүсү болуп калды. Үч уюм тең ЖӨБ органдарынын кызыкчылыктарын сүрөө, жергиликтүү башкаруунун бардык өңүттөрү боюнча экспертизаны өркүндөтүү жана муниципалдык кызматчылар менен жергиликтүү өнүгүү процессинин башка катышуучуларынын потенциалын жогорулатуу чөйрөсүндө мүмкүн болушунча көп күч-аракетин жумшоодо. Меморандум бул жемиштүү кызматташтыктын институционалдык негизин бекемдеди, жергиликтүү өнүгүүнү колдоодо катышуучулардын ролун так аныктады 1-сүрөттү караңыз.
Стратегиялык өнөктөштүк жөнүндө меморандумга үч уюмдун жетекчилери кол коюп, келечекте Коалиция Кыргыз Республикасынын жергиликтүү өз алдынча башкаруусун жана жергиликтүү жамааттарын өнүктүрүүгө кызыкдар өнөктөштөрдүн катышуусуна ачык болорун баса белгилешти.
Макулдашуунун катышуучулары ошондой эле Коалицияны түзүү жергиликтүү өз алдынча башкарууну өнүктүрүү чөйрөсүндө мындан аркы реформаларды ишке ашырууга; аймактарды өнүктүрүү саясатын жана практикасын өркүндөтүүгө; жергиликтүү өз алдынча башкаруу органдарынын потенциалын жогорулатууну уюштурууга жана жергиликтүү өз алдынча башкаруу органдары көрсөткөн кызматтардын сапатын жакшыртууга; Кыргыз Республикасында жана Борбор Азия өлкөлөрүндө жергиликтүү өз алдынча башкарууну илгерилетүүгө көмөк көрсөтөөрүн белгилешти.
Кол коюлган меморандум Коалициянын мүчөлөрүнүн күч-аракеттерин бириктирип, биргелешкен демилгелерди жана иш-чараларды иштеп чыгуу жана ишке ашыруу үчүн алардын потенциалын жана мүмкүнчүлүктөрүн бириктирүү үчүн шарттарды түзөт. Бул иш-чаралар чечимдерди кабыл алуу процесстерине жарандардын катышуу деңгээлин жогорулатууга жана жергиликтүү өз алдынча башкаруу органдарынын жергиликтүү жамааттын алдындагы отчеттуулугун күчөтүүгө багытталган.
Окшош материалы:
-
№5 (151) / 2024-06-08 “Ачык Бишкек” жумушчу комитети өз ишин улантууда
-
№5 (151) / 2024-06-08 Жасалган ишке коюлган мыкты баа – кызмат көрсөтүүлөрдү жана турмуш шарттарын уюштуруу чөйрөсүндө жылыштарды таануу
-
№5 (151) / 2024-06-06 Мыкты коомдук бюджеттик угууларга жарыяланган конкурста жеңүүчү деп табылган ЖӨБ органдары байгелерин ала башташты
-
№5 (151) / 2024-06-06 Тренерлер үчүн тренинг: өзүбүз да үйрөнүп, башкаларды да үйрөтөбүз
-
№5 (151) / 2024-06-06 Тренерлер үчүн тренинг: муниципалдык ишканада ишти уюштуруу жана сатып алууларды уюштуруунун эрежелери
-
№5 (151) / 2024-06-06 БАЖБА Нарын облусунда Социалдык-экономикалык өнүктүрүү программасын даярдоо боюнча окуу курстарын өткөрдү
-
№5 (151) / 2024-06-06 КР Президентине караштуу Мамлекеттик башкаруу академиясы жана БАЖБА кызматташуу жөнүндө меморандумга кол коюшту
-
№2 (148) / 2024-02-13 “Муниципалитет” журналынын жана “Кыргыз Республикасындагы ЖӨБдүн мыкты тажрыйбалары” порталынын жазылуучулары арасында байгелердин электрондук утушунун жеңүүчүлөрүн куттуктайбыз