Муниципалитет - бул аймактын, ал жерде жашаган калктын жана жергиликтүү өз алдынча башкаруу органынын үчилтиги
- Биринчи бет /
- Макалалар /
- ЖӨБ Коалициясынын жаңылыктары
Тренерлер үчүн тренинг: муниципалдык ишканада ишти уюштуруу жана сатып алууларды уюштуруунун эрежелери
Нургүл ЖАМАНКУЛОВА, БАЖБАнын жана ӨСИнин коммуникациялар боюнча консультанты
Борбордук Азиянын Жергиликтүү башкаруу академиясы (БАЖБА) өзүнүн окутуучуларынын, тренерлеринин жана кызматкерлеринин потенциалын жогорулатуу максатында “Муниципалдык ишканада ишти уюштуруу жана сатып алууларды уюштуруунун эрежелери” курсу боюнча эки күндүк окуу өткөрдү.
Окуу 2024-жылдын апрелинде Бишкекте өтүп, Швейцария Өкмөтү каржылап, Хельветас уюмунун жана Өнүктүрүү саясат институтунун консорциуму ишке ашырган “Жергиликтүү деңгээлде кызмат көр-сөтүүлөрдү жакшыртуу” долбоорунун колдоосу менен уюштурулду.
Тренерлер Гүлнара САЯКБАЕВА жана Дастан УЛАНБЕК уулу муниципалдык ишканада сатып алуулар, сатып алуулардын усулдары, сатып алууларды уюштуруу жана пландоо чөйрөсүндөгү ченемдик укуктук актылар менен тааныштырышты.
Катышуучулар менен бирге алар товарлардын жана кызмат көрсөтүүлөрдүн техникалык өзгөчөлүктөрүнө коюлган талаптарды; конкурстук документтерди түзүү жана товарларды, жумуштарды сатып алуу жөнүндө кулактандырууну жарыялоо процессин; товарларды, жумуштарды жана кызмат көрсөтүүлөрдү сатып алууда жеткирүүчүлөрдүн жана подрядчылардын конкурстук өтүнмөлөрүн баалоо маселелерин; жеңүүчүнү тандоо, келишим түзүү процессин жана даттануу тартибин карап чыгышты. Окуунун практикалык бөлүгүндө катышуучуларга сатып алуулар порталынын базасында системада өз алдынча иштөөгө мүмкүнчүлүк берилди.
Муниципалдык ишкананын ишинин укуктук негиздери, анын мүлкү, уюштуруу түзүмү жана финансы-экономикалык негиздери жөнүндө суроолорго тренер-практиктер Жаңыл ДЮШЕЕВА жана Асылбек ЧЕКИРОВ жооп беришти.
Тренингдин жыйынтыгында бардык катышуучулар кызыкдар тараптар үчүн ушундай тренингдерди өткөрүүгө укук берген БАЖБАнын лицензияланган сертификаттарын алышты.
Окшош материалы:
-
№5 (151) / 2024-06-08 “Ачык Бишкек” жумушчу комитети өз ишин улантууда
-
№5 (151) / 2024-06-08 Жасалган ишке коюлган мыкты баа – кызмат көрсөтүүлөрдү жана турмуш шарттарын уюштуруу чөйрөсүндө жылыштарды таануу
-
№5 (151) / 2024-06-06 Мыкты коомдук бюджеттик угууларга жарыяланган конкурста жеңүүчү деп табылган ЖӨБ органдары байгелерин ала башташты
-
№5 (151) / 2024-06-06 Тренерлер үчүн тренинг: өзүбүз да үйрөнүп, башкаларды да үйрөтөбүз
-
№5 (151) / 2024-06-06 БАЖБА Нарын облусунда Социалдык-экономикалык өнүктүрүү программасын даярдоо боюнча окуу курстарын өткөрдү
-
№5 (151) / 2024-06-06 КР Президентине караштуу Мамлекеттик башкаруу академиясы жана БАЖБА кызматташуу жөнүндө меморандумга кол коюшту
-
№2 (148) / 2024-02-13 “Муниципалитет” журналынын жана “Кыргыз Республикасындагы ЖӨБдүн мыкты тажрыйбалары” порталынын жазылуучулары арасында байгелердин электрондук утушунун жеңүүчүлөрүн куттуктайбыз
-
№2 (148) / 2024-02-13 USAIDдин “Ийгиликтүү аймак 2” долбоору өлкөнүн ЖӨБ органдары менен кызматташуунун географиясын кеңейтүүдө