Нургүл ЖАМАНКУЛОВА, Өнүктүрүү саясат институтунун жана БАЖБАнын коммуникациялар боюнча консультанты

Жергиликтүү кеңештердин жаңы шайланган аял депутаттары үчүн семинарлардын сериясы башталды. Окууну Борбордук Азиянын жергиликтүү башкаруу Академиясы КР Шайлоо жана референдумдарды өткөрүү боюнча борбордук комиссиясынын катышуусу жана Швейцария Өкмөтү каржылаган “Жергиликтүү деңгээлде кызмат көрсөтүүлөрдү жакшыртуу” долбоорунун колдоосу менен өткөрүүдө.

Семинарлар аял депутаттарга жергиликтүү кеңештин биринчи сессиясына даярданууга, кеңештин ишинин регламенти менен таанышууга; жергиликтүү өз алдынча башкаруу органдарынын системасын жана ыйгарым укуктарын түшүнүүгө, жергиликтүү өз алдынча башкаруу органдарынын негизги документтери менен таанышууга мүмкүндүк берет. Мындай документтердин негизгилери – бул Социалдык-экономикалык өнүктүрүү программасы (СЭӨП) жана жергиликтүү бюджет. Мындан тышкары, семинарлардын жүрүшүндө катышуучулар аялдардын лидерлиги жөнүндө маселени талкуулашат: аял депутаттар кантип өздөрүн өзөктүк кызматтарга көрсөтүп, бири-бирин колдой алышат?

“Бул эмне үчүн маанилүү? Семинарлар катышуучуларды билим менен гана эмес, ошону менен бирге мыйзамдардын чегинде өз милдеттерин аткаруу үчүн практикалык көндүмдөр менен да камсыз кылат, жергиликтүү кеңештерде өз кесиптештерин колдоо жана гендердик тең салмактуулукту сүрөө мүмкүнчүлүктөрүн берет. Аялдар жергиликтүү өз алдынча башкаруунун келечегин өзгөртө алышат жана биз аларга керектүү ресурстарды жана колдоону берүү үчүн бул жердебиз – бул биздин катышуучулардын калган аял кесиптештеринин дарегине жолдогон билдирүүсү”, – деди БАЖБАнын жергиликтүү кеңештин аял депутаттарынын клубунун ментору Салия АКУЛОВА.

Семинарлар Helvetas уюму ӨСИ менен консорциумда ишке ашырып жаткан “Жергиликтүү деңгээлде кызмат көрсөтүүлөрдү жакшыртуу” долбоорунун алкагында Швейцария Өкмөтүнүн финансылык колдоосу менен өткөрүлдү.