Нургүл ЖАМАНКУЛОВА, Өнүктүрүү саясат институтунун жана БАЖБАнын коммуникациялар боюнча консультанты

Тиешелүү меморандумга тараптар 2024-жылдын 26-ноябрында Бишкекте кол коюшкан.

Макулдашуунун катышуучулары уставдык капиталдагы катышуу үлүшү 50 жана андан ашык пайыз болгон, жергиликтүү өз алдынча башкаруу органдарына, анын ичинде алардын туунду чарбалык коомдорго таандык болгон муниципалдык ишканалар жана чарбакер коомдор жүзөгө ашырып жаткан сатып алууларды башкаруу системасын өнүктүрүү чөйрөсүндө күч-аракеттерди бириктирүү жөнүндө макулдашышты. Борбордук Азиянын жергиликтүү башкаруу Академиясы (БАЖБА) жана ЖӨБ Союзу сатып алуучу уюмдарга сатып алуулар боюнча адистердин жана сатып алуу жол-жоболоруна тартылган адамдардын квалификациясын жогорулатууга көмөктөшүп, муниципалдык ишканалардын сатып алууларды жүргүзүүнүн сапатын жогорулатууга салым кошо алышат.

Тактап айтканда, БАЖБАнын күч-аракети тиешелүү окуу программаларын даярдоого жана ишке ашырууга; БАЖБАнын эксперттерин берүүгө жана окуу процессин уюштурууга, анын ичинде окуу курстарынын угуучуларын тестирлөөгө жана квалификацияны жогорулатуу курстарын аяктагандыгы жөнүндө биргелешкен сертификаттарды ыйгарууга багытталат. Маммүлк жана ЖӨБ Союзу БАЖБАнын Дайындар базасына киргизүү үчүн эксперттерди жана адистерди камсыздап, биргелешкен иш-чараларды ийгиликтүү ишке ашыруу үчүн ар тараптуу колдоо көрсөтөт.